1:saddex iska ogow;
Caajis
Camal-xumo
Cirwaynaan
2:saddex jilaalkaa kuugu dila;
Biyo laba guul ah
Gaadiid la'aan iyo
Guri xaaluf ah
3:Saddex kaama tagaan;
Nasiib
Nabsi iyo
Nasab
4:Saddex kolkaan bartay baan ka gaboobay;
Dab ololintii
Awr caraabinteed iyo
Caruur aamusintood
5:Saddex kuuma tuuraan;
Cadwgaaga
Qof xun iyo
wedka
6:Saddex laguma galo;
Ban aan fariis lahayn
Barqo aan caano lahayn
Beleed aan boqor lahayn.
7:saddex ilaahay ayaa kugu naca;
salaad la'aan
soon la'aan
sako la'aan
8:saddex gartaada looma dhiibto;
Naas-jiid
lug-jiid iyo
dhuun-jiid
9:Saddex dibbay kuu dhigaan;
sirow la saaxiibkii
sabool gabadhii guurso
sabad ceel deg
10:saddex deriskaa kugu naca;
Been badan
Baryo badan
Bugto badan
11:Saddex lalama dego ;
Fulay daandaansi badan
Doqon fiiro taqaan iyo
Bakhayl damac yaqaan
12:saddex lalama saaxiibo;
Rabbi ma yaqaane
Run ma yaqaane iyo
Rag ma yaqaane
13:Saddex lama arag;
Balaayo laba qad ah
Bakayle talaabsanaaya iyo
Badhi ciyi ah
14:Saddex lama arag ;
Daray ubax leh
Dambar gorayo iyo
Dameer af-madow
15:Saddex saddex ayaa loola dersaa;
Doqoniimo, fulaynimo, iyo fool-xumo
Doqoniimo deeq baa loola dersaa
Fulaynimo dhaar ayaa loola dersaa
Fool-xumana qurrux ayaa loola dersaa.
16:saddex saddex ayay ku bartaa;
Baahidu ducay ku bartaa
Beentuna faanbey ku bartaa
Baryaduna fadhibay ku bartaa
17:Saddex saddex kama dharagto ;
ili daymo kama dharagto
Dhulna biyo kama dhargo
Dhegna war kama dharagto
18:Saddex saddex lagu waaniyay midna aan naf laga sugin;
Ciroole dantiisa lagu waaniyay
Caalim alle ka cabsi lagu waaniyay
Cadrad xishood lagu waaniyay
19:Saddex taah ma dayso;
Nin tiiraanyo qaba
Nin qabow taabtay iyo
Nin taws qaba
20:Saddex tolkaaba kugu naca;
Deeq la'aan
Dood la'aan
Dirir la'aan
21:Saddex urur baa leh;
Ciidan
Caqli iyo
Calaf
22:Saddex waa ku hodaan;
Hadh arooryo
Hogol xagaa iyo
Hilaac basari
23:Saddex waa laga tagaa;
Tigaad oomane ah
Taliye eexday
Taabid caasi garoobey
24:Saddex waa lagu jabaa;
Jaarkaaga oo kugu xumaada
Jikaar waalid iyo
Jacayl aan laguu ogayn
25:Saddex waa lagu tarmaa ;
Hoo waalid,
Hagar la'aan tol,
Faro-ku hayn cibaado
26:Saddex waa laysku nacaa;
Baryo badan
Bukto badan
Baahi badan
27:Saddex waa loo dhintaa;
Dareen darro
Lexjeclo iyo
Is cajabin
28:Saddex waxyaabood waa waad- ka koris;
Orod-dheeri
Dabaal-aqoon iyo
Gababsho-aqoon
29:Saddex waa xarago;
Hanti haddii aad leedahay,
Qabiil wanaagsan haddii aad leedahay,
Cirid madow hadaad leedahay
30:Doqoni saddex bay la weyn tahay ;
wax cun
wax dhac
wax dil
31:Ilaahay saddex saddex isma raacsho;
Qurux
Ragganimo iyo
Geesinimo
32:Raggu waa saddex;
Orod-maal
Ayaan-maal
Af-ku-maal
33:Saddex waxaa ugu xun saddex;
Nin maqan oon la tebin
Nin jooga oon la tirsan
Nin tegaya oo aan la celin
34:Saddex alle kulama kulmiyo haduu kula kulmiyana saddex kaagama dhigo;
Bakhayl alle kulama kulmiyo, haduu kula kulmiyana sheekalow alle kaagama dhigo
Raalliyo alle kulama kulmiyo, haduu kula kulmiyana madhasho kaagama dhigo
Maal alle kulama kulmiyo, haduu kula kulmiyana mid ku fidneeya kaagama dhigo
35:Saddex baa boqortinimo kaa qaada;
Gar leexsan
Gudoon jilicsan
Gacan laaban
36:Saddex beesha laga waayo ma wanaagsanaato;
Wiil dirira
Wadaad duceeya
Waayeel taliya
37:Saddex waa laga tagaa;
Tub aan ceel lahayn
Taran aan wiilal lahayn
Talo aan caadil lahayn
38:Saddex waa laga ducaystaa;
Talo aan tawfiiq lahayn
Taws aan ka bogsi lahayn
Tigaad aan biyo lahayn
39:Saddex waa xarago aduunyo;
Hanti badani
qabiil wanaagsani iyo
codkarnimo
40:Inkaarta ddadku waa saddex ;
Af- ku -leeble
Il- ku - leeble iyo
Uur- ku -leeble
41:Saddex baa laga dhaxlaa;
Magacisii
Maalkiisa iyo
Murtidiisa
42:Taladu waa saddex;
Mar ay kula gudboon tahay
Mar aad garan weydo iyo
Mar aad gaadhi weydo
43:Saddex waa lagu xamdiyaa;
Caafimaad qab,
Cimri dherer iyo
Quud xalaala
44:Saddex weligaa ha isku deyin;
Labaatan la oradkii
Afartan jir la lagdankii
Lixdan jir la gartankii
45:Saddex baddaa laga helaa;
Markab
Doon iyo
Kalluun.
0 Comments