Markey dani meeday tidhi
Maxaan talo meel kadayay
Markey dani maaha tidhi
Waydiiyey qof meel ka dayey
Markey dani maaha tidhi
ku laabtay halkaan ka dayey
Markey dani maaha tidhi
Kasii dayey meel la dayey
Maxay doqoniino tidhi
Ruuxaan jirin raad ku doon
Itaan isku duubay been
Ka buuxsaday labada dacal
Maxay runi daadi tidhi
Maxaan arin dawlis dhaw
Ma diido la soo qorqoray
Ku daabacay baal madow
Ku daawaday meel madow
Waxaan duluc sii ridnayn
Indhuhu ku daraandareen
Maxaan dogob beer is idhi
Daruuru usoo sasabay
Daryeelka ku maal is idhi
Biyuhu uga sii dareen
Waxaan deg-deg jeer ku liqay
Maxay shishe ii damqeen
Kashayda dalooshadeen
Muxuu hadba shay dellegan
Dareensigu soo tuf yidhi
Umuuraha duur xulka ah
Duunkayga maxaan qodqoday
Weydiiyey su'aal da'a weyn
Dibnuhu iga aamuseen
Dal xiis maxaan bilqaday
Maxaan farax deeddankii
Maxaan sida daad jirfaday
Maxaan hadba daaf qulqulay
Maxaan hadba deex susumay
Maxaan deli jeer ka dhacay
Maxay jarar soo dedelan
doolaaladu fuul itidhi
Dushooda markaan ubaxay
Ha soo degin laygu yidhi
Maxaan dihin weel lagalay
ku dayga maxaan ummuur
daboolka ka qaad is idhi
cabsidu iska daa i tidhi
indhuhu dib usoo noqdeen
maxaan dilay doog lingaxan
hal daahan maxaan furfuray
inaan dib u sii xidhxidho
garaadku ku daalay yidhi
maxaan dardaraa habeen
anoo daba jooga raad
dedaalku isoo xidhxidhay
dakaanka anoo jiljilan
muxuu dayax soo mirkacay
degaan kale ii furfuray
dayaan igu soo gilgilay
maxaan qoday doox sal weyn
maxaan helay deeq mug weyn
wuxuu dad jeclaan lahaa
u waayay wax soo daldaln
waqtigu boqol docsnaa
dersuu kugu beerayaa
durduur kugu siinayaa
dardaaran adoo qabuu d
dedaal kugu beerayaa
dil buu kugu oogayaa
markaad deldelaad gashuu
hadana kugu diidaya
Doraato siduu ku yidhi
intuu ku diruu haddana
dabbaal kugu shhegayaa
rugaha dunidaa busho ah
indhaha deyayaa xujo ah
docaa laga eegayaaa
deymaa lagu eegayaa
danaa laga eegayaa
u danaa cidbaa taqaan
ka danaa cidbaa taqaan
ta doorana rabbaa yaqaan
ka dooro adaa yaqaan
dil-dilo rogan baad tihiin
sidaad isu doorisaan
ayaad isku doorataan
markay dahatay dhul tahay
markay dihatay dhir tahay
markay duhur tiigsi tahay
ayay dalandool caddahay
dufbay ku sarbeeban tahay
dabay ku aloolan tahay
lafbaa diirkeed qodnay
dal iyo magac bay lahayd
dad iyo mudan bay lahayd
duuniyo mahad bay lahayd
diin iyo dhaqan bay lahayd
duug iyo dhaxal bay lahayd
dan iyo tacab bay lahayd
dedaal xejiyay lahayd
xadhkiyo dabar bay lahayd
aqoon durugtay lahayd
xil daacada bay lahayd
duleed jiratay lahayd
duggaal hanatay lahayd
daw iyo marin bay lahayd
dareer taxan bay lahayd
dardaaran cad bay lahayd
dabool adag bay lahayd
digtooni horey lahayd
dabaylo haday ruxaan
durbaan weriyey lahayd
awaal deyis bay lahayd
dawiyo kabashay lahayd
xidhiidh dagsan bay lahayd
dagaag sharafay lahayd
ducoiyo nabad bay lahayd
dareen xidid bay lahayd
xurmiyo daris bay lahayd
duliyo magan bay lahayd
caqiibo danbay lahayd
han iyo dugsashay lahayd
deeq iyo hiroshay lahayd
duddiyo gacal bay lahayd
xishood dedan bay lahayd
dux iyo sodoh bay lahayd
dumaashi dhan bay lahay
dad kala guran bay lahayd
rag iyo dumar bay lahayd
nin door taliyey lahayd
marwiyo degel bay lahayd
duq iyo garashay lahayd
haween darbban bay lahayd
barbaar diiran bay lahayd
habliyo dardaray lahayd
halyeey diriray lahayd
darmaan boqran bay lahayd
duud iyo oday bay lahayd
da'weyn iyo da'dhexay lahayd
da'aad yaryar bay lahayd
is daadihin bay lahayd
daryaale cad bay lahayd
dalaandaliyey lahayd
horweyn dal maray lahayd
irmaan dararay lahay
hal iyo dalawey lahayd
wan dool culus bay lahayd
sal iyo daab bay lahayd
dallaayad sarey lahayd
shiishiiyo duluc bay lahayd
wixii dumey bay lahayd
iskuuladu waa dayeyn
dammiinnimaday dhigaan
dartay uma soo lug go'in
duruustuu falkay tiqiin
xaq bay garba duubayeen
diintay gibil saarayeen
waxay dedayeen amuur
dibteedu dib iigu tiil
waxay doc faruurayeen
dadaal abid soo taxnaa
xafiisyadu waa dullayn
dulmay ka horseed yihiin
dikteetaraday dhalaan
direyska wedkay tolaan
dardaaran shishay qabeen
dalkay shil u logayen
dadkay u shidheynayeen
dardaaran werin meel u tiil
xadhkaha doqon kay tolaan
naftay damac raaciyaan
waxbay daba qaadayaan
qofkii biyo diid yaqaan
darleefyey ninkay baraan
sagaashan dabeecadood
hadday kol ku soo degaan
dihaal iyo saar gumeed
ma aamino deeq ka weyn
intay laba duul dhintaan
dukaamadu waa nuuxuus
sun iyo dacar bay hayaan
daraandariyey hayaan
dareen xagatay hayaan
dalaaqada tusmay hayaan
waxay demesh soo rogeen
waxay diric raacayaan
durraaxada u heesayaan
waxa lagu doonayaa
waxa aanan u daafad hayn
waxaan diro lay carree
wax soo degay lay cusbee
ka dooro intaan lahaa
ka sii dar intaan lahaa
ku sii dil ayuu lahaa
ninkii digashada badnaa
daaruhu tayi waa ka gaal
dulmay taran leeyihiin
bar duunyo ah waa ka caydh
waxay ku dul nool yihiin
nin daaqsada xoolo nool
dubaha fakhrigay tumaan
waxay derbi jiifiyaan
barbaarkiyo doobka nool
carwada dibjirkay dhallaan
haday kugu soo durkaan
ducaa laga hoos galaa
maxay damel weyn shiteen
maxay qudhac deebiyeen
waxay dab sudheen dhirtii
dhulkay midab dooriyeen
bal eeg dagalkii hufanaa
bir iyo waxa daasad yaal
bal eeg dalkii xalaa
waxay lafo daadiyeen
shilbaa dunidii ku dhacay
daacuun halisaa ku fiday
duufaan siman baa la tagay
doofaarada aan gudneyn
diinlaawaha gaalku dhalay
maxay dulin faafiyeen
maxay sama duudsiyeen
maxay godob daaqsadeen
maxay denbi xoogsadeen
maxay dabar soo xardheen
maxay dabin soo shaqleen
danbeed maran soo asleen
waxay dumiyeen aqoon
ilaa dura soo taxneed
waxay demiyeen ilays
u daaran qof meel lahaa
waxay kala daadiyeen
daryeel isu dheeli tiran
naf daahira bay legdeen
docdeeda xun bay dhiiriyeen
dan bay canlabeebiyeen
dawgeedu xidhiidhsanaa
waxay iga soo duween
jidkaan isku daawan jiray
waxay dibad yaaliyeen
nin tiisa u door ahaa
in loo dawaray rabeen
da'adiisa nimaan baryeen
waxay ka dhigeen dadkii
af iyo labadiisa daan
dusuud madhan bay dhigeen
halkii beri doobi yiil
waxay dambas toomiyeen
rugtii digo loo yiqiin
duxdii noloshay tireen
waxay debciyeen naftii
waxay dacwadheen hankii
waxay isku soo dareen
dadkii kala caaganaa
intii gabadh diid ahayd
daf iyo kaman baa la tagay
dhulkii darrimaha lahaa
deegaankiyo baadku yiil
dabaylo cas baa kakacay
dorraatiyo guulihii
dallaallimadii dhisnayd
wixii dalag meersanaa
duul qaxay baa ka hadhay
wixii dulglaa ka nool
dibnuhu dhubbad qaadayeen
dagaalkuu sal buu lahaa
daad soo jabay baan intaa
gacmaha ku dabaal lahaa
anigu dirir maan hanbayn
doodayduna may hinnayn
hubaa lagu diidanaa
waxay igu soo dabreen
halkay ila doonayeen
daleel madhan baan tubnahay
sas iyo dala'aasan qabaa
dareen dhidar baan gashaday
dugaag falan baan qorrahay
daaraantuna way fogtahay
duullaankuna waa sidii
cidlaan dildillaamayaa
hadaad liqday daacadii
adaa damacow yaqaan
sidaad uga dayn baxdee
wixii dumadaad jir
ku sii dar tu kaa daran
cilmigan dib u heego dhaca
ciligan dul ka xaadiska ah
cilmigan samdawdarka ah
caqligu ka daboolan yahay
bukaankiyo daafka qaba
guumaysigu diin u yahay
ilaah lagu diidan yahay
islaam la dagaalka ah
danaysigu ka weel ka yahay
dirsoocu u aabe yahay
daandaansigu guul yahay
dabkiyo wada hawsarka ah
dilkiyo wada dhhig cabka ah
duullaankiyo boobka jecel
cilmigan dalandoolka badan
damiirku ka meydka yahay
khansiirka iyo duufka cuna
dilaalkiyo tuuga dhala
daydayga iyo jeelka qaba
wanaagu ka dayro yahay
xumaantu u dooran tahay
dadkiyo simay xoolihii
raggiyo dumarkii furfuray
intuu dumarkii si baday
raggii dumar qaar ka dhigay
af-duubkiyo qoolka taxan
run baa lagu daahayaa
dijaal korayaa qarsoon
dalaal iyo been madow
ninkii run ku doonayow
abuurtu dumaal miyaa
ma duur iska beermay baa
ma baadi iska dibbootey baa
dawliil iyo quus miyaa
ma buur lagu daalayaa
ma boog damaqdaa wadnahaa
ma shay laga daawadaa
garaadka qof daymo dhow
ma daarwiin siduu yidhaa
daan yeer nin kasoo farcamay
ma suu u dareemayaa
miyaanay dastuur lahayn
kitaab iyo diin lahayn
miyaan laga sii danbayn
sidii daraygii miyaa,
midhii daraygii miyaa
duudduub ku liq yaa ku yidhi
nin diiday inaad run tahay
ku dooday inaanad jirin
rabbow dunidaada bilan
dunteeda ma sheegi karo
daayeerka waxaa ka yimi
waxaan ,dad haboon ahayn
innagu dir kalaynu nahay
duudkii nebigaynu nahay
deeqdii rabbe beynu nahay
xil iyo derajaynu nahay
dar loo buriyaynu nahay
ka sii daray baynu nahay
ilaah ka durkanu nahay
islaam dilan baynu nahay
dugaag u dhacnu nahay
ka daadatay muskaynu nahay
ibleys didsadeynu nahay
doofaarada aan gudneyn
u doortay runtaynu nahay
xaqay garbba duubayaan
ku diirsadaynu nahay
diin laawaha gaalku dhalay
ku dayday ayaynu nahay
dayeysan ayaynu nahay
sidee duni loogu lumay
maxaa dad ku soo lig go'ay
maxaa ku hungoobay duul
diihaal kula soo dhex dhacay
maxay nin u deexataa
Iadaan ugu duur xushaa
hadhow xagal daacisaa
maxaa deg-deg wiil ku yimi
dusheeda ku foos burburay
maxay doqon loogataa
maxay laqan dooxataa
maxay danab liicisaa
maxay sado daadisaa
maxay amar duulisaa
maxay dardar loodisaa
maxay diric quusisaa
maxay kibir daalisaa
maxay damac beenisaa
maxay nin dabbaal yaqaan
dalluun ku waaribisaa
maxay daldaloolisaa
deeqdeeda hadhuub lahaa
maxay lur u sii dirtaa
ku sii dar ninkii yaqaan
maxay dab ku sii shiddaa
ninkaanay daawayn karayn
adduunyadu waa daryeel
daryeel wixii ku nool
dad bay magantiisa tahay
dardaaran cad baa ka yaal
daymiyo garoshay rabtaa
hog loo dayo bay rabtaa
runtaada qofkii duwaa
xaquu kaga dayro yahay
dawgeeda haddaan la marin
daliil rabbi looga dhigin
deynkeeda waxaad guddaa...........
0 Comments